uBlack Coffee umvumile uSphuzo

hu

Liqhakazile ikusasa kule nsizwa ezibiza ngeSphuzo sabantwana. Le nsizwa edabuka kwaDweshula ithi kungaba intokozo enkulu uma ingangena estudio ngelinye lamalanga.

 

Idume kakhulu ezinkundleni zokuxhumana ngama video ewapostayo athandwa kakhulu ngabantu.

 

Enye yezingoma zakhe ethilendayo ithi ‘ngelinye

uJezu uzobuya ehamba nge-quantum, iphelile icorona’

 

Ebona lama video uDj odume umhlaba wonke uphumele obala walivuma ikhono lale nsizwa. Ubhale ekhasini lakhe kutwitter wayivuma wafisa ukuthi uSjava enze okuthile ngekhono likaSphuzo.

 

“Nkunzi Sjava bengilokhu ngibona amavideo ale nsizwa enekhono eliyisimanga. Ngicabanga ukuthi ikhono layo liyamangaza, idinga ithuba nje izibonakalise. Ngicabanaga ukuthi wena nayo ningeza into yamehlo uma ningahlangana.

 

Ngizonihlanganisela mina ingoma.” Kubeke uBlack Coffee ku-twitter account yakhe.

 

Ubengakatholakali uSjava novo lwakhe ngale nsizwa kodwa abaningi abathandi bomculo bakuthokozele ukuthi ithalente lale nsizwa libonwe uDj ofana noBlack Coffee, okuyinto engandele bani.

 

“Sekukaningi nami ngiwabuka amavideo ale nsizwa. Ngiyalivuma kakhulu ikhono lakhe. Ngiyafisa ukuthi ngelinye ilanga avele ebalazweni ashaye ingoma aqhube isiphiwo sakhe.” Kubeka Imoto kaGesi umfoka Shezi ongumlandeli.