Ziningi iziteshi zemisakazo eziwudlalayo lo mdlalo wengoma ehlukanisa unyaka. Kodwa sekufike kwaqapheleka ukuthi umculo wesintu uMaskandi uthandwa kakhulu Okhozini FM. Lokhu kufakazelwa ukuthi ilesi steshi kuphela la okuwine khona lo mculo.
Kwezinye iziteshi esibala kuzona Igwalagwala, Umhlobo wenene, Metro FM neminye, awuwinanga uMaskandi. Abaculi abebezenzela kulezi ziteshi singabala uNomcebo Zikode, uMakhadzi kanye noBig Zulu ophume isithathu Okhozini FM.
Lume kanje uhlu lwabaculi abanqamule unyaka kweminye imisakazo:
Metro FM - Nomcebo Zikode
Lesedi FM - Nomcebo Zikode
Motsweding FM - Makhadzi
Phalaphala FM - Makhadzi
Thobela FM - Makhadzi
Munghana Lonene FM - Makhadzi
Ligwalagwala FM - Big Zulu
Umhlobo Wenene FM - Big Zulu
Ukhozi FM - Khuzani Mpungose
Okujabulisa amabhinca ukuthi wona abusa esibayeni esikhulu eNingizimu Africa, nokuyisona steshi esidlala ingoma ebhekwe iNingizimu Africa yonke. "Angiyazi nakuyazi lemisakazo ebhalwe la ngenhla. Thina sinqobe kukubi esteshini esikhulu kunazo zonke. UNomcebo uyacula impela kodwa kuzomele abe Ibhinca noma adlale umculo wamabhinca ukuze awine." Kusho uMalevuza umfoka Sithole eNkandla.